Rëndësia e Omega-3 dhe përfitimet e arrave.

Provat e shumta na tregojnë se marrja e Omega-3 nga ushqimet bimore në formën e acidit alfa-linolenik ose ALA (që gjendet tek arrat dhe ushqime të tjera si soja, farat e lirit, farat chia etj)  janë të lidhura me një reduktim të ndjeshëm të rrezikut të sëmundjeve të zemrës. I pari nga këto acide yndyrore (ALA) është i vetmi nga familja Omega-3 që konsiderohet thelbësor. Prandaj, është e detyrueshme që të përfshihet në dietën tonë përmes ushqimeve. Për fat të mirë, ka disa ushqime nga të cilat mund ta marrim.

Aktualisht, me Covid si shqetësim kryesor, ka edhe studime të reja që shqyrtojnë rëndësinë marrjes së acideve yndyrore Omega-3 për të forcuar sistemin imunitar, për t’u mbrojtur nga sëmundjet virale dhe, në këtë mënyrë, për të përballuar më lehtë virusin në fjalë.

Sidoqoftë, përfitimet nuk ndalen këtu pasi acidet yndyrore Omega-3 thuhet se kanë efekte parandaluese kundër llojeve të ndryshme të sëmundjeve si diabeti, kanceri dhe sëmundjet e trurit Çdo qelizë në trupin tonë ka një membranë të hollë të përbërë nga dy shtresa të molekulave lipide që duhet të jenë funksionale për të lehtësuar përgjigjet fiziologjike. Mungesa e acideve yndyrore Omega-3 në dietë mund të ndryshojë përbërjen e membranës qelizore, duke na lënduar shumë, prandaj është e rëndësishme marrja e dozës së rekomanduar ditore.

Kështu, arrat na ofrojnë 9,08g ALA për 100 g. Një lugë gjelle fara chia ose liri na siguron përkatësisht pothuajse 5g dhe 6g ALA. Megjithatë, në rastin e farave, është thënë se aplikimi i teknikave të tilla si lënia në ujë për të paktën 2 orë bën që trupi ynë të përfitojë më mirë prej tyre.

Prandaj, një porcion me arra në ditë (rreth 30 gr) do të mbulonte marrjen e rekomanduar. Përdorimi I arrave është një zgjidhje shumë e mirë edhe për individët që janë vegjetarianë apo veganë dhe nuk mund ta marrin Omega-3 nga ushqime të tjera si psh ushqimet e detit.

Si përfitojmë ne nga arrat?

Arrat përmbajnë makro dhe mikronutrientë të ndryshëm përfitimet e të cilave shtrihen në efektet e tyre në kontrollin e oreksit pa shfaqur ndikime negative në peshën trupore. Arrat janë të pasura me acide të pangopura, fibra, proteina, vitamina, minerale dhe komponime bioaktive siç janë fitosterolet dhe polifenolet. Efektet e dobishme të arrave janë për shkak të të gjithë këtyre lëndëve ushqyese së bashku dhe jo vetëm të acidit alfa-linolenik

Një përfitim tjetër i konsumimit të arrave është se për shkak të faktit se ato janë një ushqim me energji, mund t’ju mbajnë të ngopur për më gjatë dhe për këtë arsye janë një mënyrë e shkëlqyer për të zëvendësuar konsumin e ushqimeve të përpunuara midis vakteve.

Na vizitoni në të gjitha pikat Krik Krak për të zgjedhur arrat më cilësore.